මීන නුවන් යුග කඳුළු සදාගෙන
දුරු කතරේ තනි වූ යුවතී
නිදි නැති රෑ සුසුමන් පවනේ
ගැයු ගී මී බඳුනේ රැඳුනේ
බාලේ ඉඳන් පෙම් සිතුවම් ඇඳි
අද වෙන්වී නුඹ හිම පියසේ
කාල වලා නැග එන්නා නබෝ ගැබ
බොඳ වී යයි මුදු වදන් මෙදා
සීත රටේ තනි මලට ලොබින්
ඈත ඉඳන් ආ බමරින්දූ
දෑසේ වෙළී සැඟවෙන්න වගෙයි අද
මාලවිකා මා බාල ලියේ
අප රට ආර්ථිකව පොහොසත් රටක් නොවේ. දරිද්රතාවයෙන් මිරිකී ගිය කල්හි, අන් සරණ නැති කල්හි, දුරු රටවලට ඔව්හු යති. ඉන් සමහරුන් නෑඹුල් යෞවන විය නො ඉක්මවූවෝ වෙති. එසේ දුර රටකට යන තරුණියන් තම ගම රට සිහිවි නෙතු අග කඳුළ නගති. ඔවුන්ගේ පෙම්වත්තු හෝ සැමියෝ එලෙසම ඔවුන් මතක් කරන අතර ඇතැම්හු දුක තුනී කර ගැන්මට මධු විතක සරණ පතති. ඇතැම් විට ඔවුන් බාල වියේ සිට හඳුනන්නෝ වෙති. ඇතැම් විට දුරු කතර ගෙවා පැමිණ හමුවන්නෝ වෙති. නමුත් මේ වෙන්ව යාම තුල ඇගේ දෑස තුලම සැඟවී ඉන්නට පෙම්වතාට සිත්වේ. ඔවුන්ගේ ජීවිත වල අහසෙහි කළු වලා නැග එයි. ඔවුන්ගේ මුදු වදන් අද එකිනෙකාට අසෙනුයේ වයරයන් දිග එන බොඳ වූ හඬක් ලෙසිනි.
දුරු කතරේ තනි වූ යුවතී
නිදි නැති රෑ සුසුමන් පවනේ
ගැයු ගී මී බඳුනේ රැඳුනේ
බාලේ ඉඳන් පෙම් සිතුවම් ඇඳි
අද වෙන්වී නුඹ හිම පියසේ
කාල වලා නැග එන්නා නබෝ ගැබ
බොඳ වී යයි මුදු වදන් මෙදා
සීත රටේ තනි මලට ලොබින්
ඈත ඉඳන් ආ බමරින්දූ
දෑසේ වෙළී සැඟවෙන්න වගෙයි අද
මාලවිකා මා බාල ලියේ
අප රට ආර්ථිකව පොහොසත් රටක් නොවේ. දරිද්රතාවයෙන් මිරිකී ගිය කල්හි, අන් සරණ නැති කල්හි, දුරු රටවලට ඔව්හු යති. ඉන් සමහරුන් නෑඹුල් යෞවන විය නො ඉක්මවූවෝ වෙති. එසේ දුර රටකට යන තරුණියන් තම ගම රට සිහිවි නෙතු අග කඳුළ නගති. ඔවුන්ගේ පෙම්වත්තු හෝ සැමියෝ එලෙසම ඔවුන් මතක් කරන අතර ඇතැම්හු දුක තුනී කර ගැන්මට මධු විතක සරණ පතති. ඇතැම් විට ඔවුන් බාල වියේ සිට හඳුනන්නෝ වෙති. ඇතැම් විට දුරු කතර ගෙවා පැමිණ හමුවන්නෝ වෙති. නමුත් මේ වෙන්ව යාම තුල ඇගේ දෑස තුලම සැඟවී ඉන්නට පෙම්වතාට සිත්වේ. ඔවුන්ගේ ජීවිත වල අහසෙහි කළු වලා නැග එයි. ඔවුන්ගේ මුදු වදන් අද එකිනෙකාට අසෙනුයේ වයරයන් දිග එන බොඳ වූ හඬක් ලෙසිනි.
විප්රයෝගයේ හැඟීම් කුළු ගන්වන ලෙස ඊට උචිතම හඬකින් වේරලියද්ද ශිල්පියා විසින් ගයනු ලබයි. "කාල වලා නැග එන්නා . ." හා "දැසේ වෙළී . ." යන පද ගායනයේදී ඔහු ඉහල ස්වර පරාස වලට ගමන් ගන්නේ ශෝකී හැඟීම් තිව්ර කරමිනි. භාව ප්රකාශනය උපරිම ලෙස දැක්විය හැකි මෑත පරපුරේ ගායකයෙක් වන වේරලියද්ද විරල හැකියාවන්ගෙන් පිරිපුන් ගායකයෙකි. ඔහුගේ ගීත සෑහෙන ගණනකට ඔහුම සංගීතය සපයා ඇති අතර එම ගී වල තාලයන්ගේ පරාසය විශ්මය ජනක වේ. වෘත්තීය හා අති විශිෂ්ට ගණයේ උඩරට නැටුම්කරුවකු වන වේරලියද්ද, තම කුඩා කල සිට ප්රගුණ කල ජන ගී තාලයන් එකක් වත් ඔහුගේ ගී වලට යොදා නොගන්නා අතර ඔහුගේ ගායන විලාශය පවා එම ලක්ෂණ නොදක්වයි. ඒ වෙනුවට ඔහු යොදා ගන්නේ බටහිර ආරයේ තාලයන්ය. නමුත් ඔහුගේ ගැමි, හා භාවපූර්ණ කටහඬ එම සංගීතය සමග ඔහු මනාව මුසු කරයි. මෙම ගීයද එම ලක්ෂණ මනාව ප්රකට කරයි. මෙහි සංගීත භාණ්ඩ මුළුමණින්ම බටහිර ඒවා වේ. නමුත් ඔහු කට හඬ හසුරුවන අයුර තුල අව්යාජ ගැමි කමක් ගැබ්වී ඇත.
මෙම ගීය ඔහුගේ අවසාන ගීත එකතුවට අයත් වූවකි. මැත වසර 2 - 3 තුල ඔහු මඳක් නිහඬව සිටිනු දක්නට ලැබිණි. මේ නිහැඬියාව තවත් අති විශිෂ්ට ගී එකතුවක් නිකුත් කිරීමේ පූර්ව සළකුණකැයි අප උදක්ම පතමු.
අහන්න
බා ගෙනම අහන්න
මෙම ගීය ඔහුගේ අවසාන ගීත එකතුවට අයත් වූවකි. මැත වසර 2 - 3 තුල ඔහු මඳක් නිහඬව සිටිනු දක්නට ලැබිණි. මේ නිහැඬියාව තවත් අති විශිෂ්ට ගී එකතුවක් නිකුත් කිරීමේ පූර්ව සළකුණකැයි අප උදක්ම පතමු.
අහන්න
බා ගෙනම අහන්න
6 comments:
ඇත්තටම නියම විචාරයක් ලියලා තියෙන්නේ. දිගටම මෙවන් විචාරයන් ලියන්න. මගේ සුභ පැතුම්
ආස කරන ගීතයක්.. ස්තුතියි......
නියමයි ගීය විදින්න ලේසියි
හරිම ලස්සනයි
මේ ගීතයේ අවසන් පද පේලියේ 'මානවිකා' යන්න 'මාලවිකා' ලෙස නිවැරදි විය යුතුයි.
මාලවිකා කියන නම එන්නේ කාලිදාසගේ මාලවිකාග්නිමිත්රම් කාව්යයෙන්. කතා නායිකාව මාලවිකා. මාලවිකා රූමත් ගෘහ සේවිකාවක්. ඒ නිසා මීන නුවන් යුග ගීතයේ තේමාවට ගැලපෙනවා.
ඔබ නිවැරදියි. බොහොම ස්තූතියි නිවරද කිරීමට.
Post a Comment